Accessibility links

Таразда террорға қарсы жаттығулар өтті


Террорға қарсы жаттығу өтіп жатқан маңдағы қауіпсіздік күштері қызметкерлері мен қарапайым киімдегі адам. (Көрнекі сурет)

Тараз полициясы қалада террорға қарсы жаттығу өтетіні туралы хабарлап, тұрғындарды үрейленбеуге шақырды.

«2017 жылғы наурыздың 29-ы күні Тараз қаласы аумағында Жамбыл облыстық терроризммен күрес жөніндегі жедел штабы «Наурыз антитеррор - 2017» деген шартты атаумен террорға қарсы жаттығулар өткізеді. Оның мақсаты - терроризммен күрес жөніндегі жедел штабтың мүшелері және жедел топтары арасында жұмыстың үйлесімділігін жетілдіру» делінген полиция хабарламасында.

2016 жылғы маусымда Ақтөбе қаласында жасалған қарулы шабуылдардан кейін Қазақстан қалалары мен елді мекендерінде террорға қарсы жаттығулар жиі өткізілетін болды. Билік Ақтөбедегі шабуылдарды теракт деп атаған. Террорға қарсы жаттығулар кезінде қоғамдық нысандар қоршауға алынып, ешкімді өткізбейді. Полицияның хабарлауынша, сәрсенбі күні Тараздағы жаттығуларда дабыл беру жүйесі әзірлігін, арнайы күштер мен жедел штабтың шартты түрде «теракт болған» жерге жету дайындығын тексеру жоспарланған.

AzattyqTV

Аудиоподкаст

XS
SM
MD
LG