Accessibility links

Мәнерлеп сырғанаудан Хельсинкиде (Финляндия) өтіп жатқан әлем чемпионатында қазақстандық Денис Тен ерлер арасындағы жарыста 16-орын алды. Осы нәтижеден кейін ол 2018 жылы Пхенчханда (Оңтүстік Корея) өтетін қысқы олимпиада жолдамасын иеленді.

Олимпиадаға іріктеу ережесі бойынша жиырмалыққа енген спортшы олимпиадаға жолдама алады. Денис Тен қысқа бағдарламадан кейін 9-орында тұрған. Бірақ еркін бағдарламада екі рет құлап, аз ұпай алып қалды.

Ерлер арасындағы сынның алтынын Сочи олимпиадасының чемпионы жапониялық Юдзуру Ханю, күмісті тағы бір жапо спортшысы Шомо Уно, қоланы қытайлық Воянг Дзин иеленді.

Денис Тен - 2014 жылғы Сочи олимпиадасының қола жүлдегері. Хельсинкидегі әлем чемпионатында қыздар арасында қазақстандық Элизабет Тұрсынбаева 9-нәтиже көрсетіп, Қазақстанға екі олимпиада жолдамасын әперген.

2018 жылғы қысқы олимпиада ойындары 9-25 ақпан аралығында өтеді.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

AzattyqTV

XS
SM
MD
LG