Accessibility links

БҰҰ сарапшылары: Ирак пен Сирияны минадан тазалауға 40-50 жыл кетеді


Ресей әскери инженерлері Алеппо маңындағы ауданда минадан тазарту жұмыстарын жүргізіп жатыр. Сирия, қаңтар 2017 жыл.

БҰҰ сарапшылары Ирак пен Сириядағы көп жылдық соғыста жасырылған миналар, қолдан жасалған жарылғыш заттар мен жарылмаған басқа да оқ-дәрілерді тазалап, зарарсыздандыруға 40-50 жыл уақыт пен миллиардтаған доллар қаржы кететінін мәлімдеді.

БҰҰ-ның минадан тазарту қызметінің директоры Агнес Маркайлудың айтуынша, соғыс шарпыған екі елді Екінші дүниежүзілік соғыстан кейінгі Еуропа сияқты жасау үшін ондаған жыл уақыт қажет. Бұл туралы ол 4 сәуірде Халықаралық мина қаупінен хабардар ету күніне орай өткен баспасөз конференциясында айтты.

Маркайлу Ирактағы "Ислам мемлекеті" экстремистік ұйымынан қайтарып алынған территорияларды мина, қару-жарақ пен жарылғыш заттардан тазарту үшін жылына 180 миллион доллар, оның ішінде тек Мосул қаласының өзінде осындай жұмыстар жүргізуге жылына 50 миллион доллар жұмсау керек деген болжамын айтты.

"Екінші дүниежүзілік соғыстан кейін француздар, немістер мен британдықтардың өз жерін өзі тазалағаны сияқты Ирак үкіметіне де өз проблемасымен өзінің айналысуына мүмкіндік беру қажет" деді Маркайлу. Ол сонымен қатар Сирия территориясын қайтадан қауіпсіз ету үшін "орасан зор күш қажетін", бірақ оның қаржы табылғанда ғана жүзеге асатынын айтты.

AzattyqTV

Аудиоподкаст

XS
SM
MD
LG