Accessibility links

Алматыда Санкт-Петербургте қаза тапқан Максим Арышевпен қоштасты


Санкт-Петербургтегі терактіде қаза тапқан Максим Арышевпен қоштасу рәсімі. Алматы, 7 сәуір 2017 жыл.

Алматыда бүгін Қазақстан президенті іс басқармасы медициналық орталығының орталық клиникалық ауруханасында Санкт-Петербург метросындағы терактіден қаза тапқан алматылық Максим Арышевпен қоштасу рәсімі өтті.

Азаттық тілшісінің хабарлауынша, сағат 10-да басталған қоштасу рәсіміне екі жүзге тарта адам - Арышевтың туыстары, жолдастары, сыныптастары, сабақ берген мұғалімдері келді. Қоштасу рәсімінен соң оны Алматы маңындағы зираттардың біріне жерлеуге алып кетті.

Максим Арышевпен қоштасу рәсіміне жиналған тұрғындар. Алматы. 7 сәуір 2017 жыл.
Максим Арышевпен қоштасу рәсіміне жиналған тұрғындар. Алматы. 7 сәуір 2017 жыл.

Максимнің анасы Ирина Арышеваның Азаттыққа айтуынша, ұлы Алматыда жекеменшік мектепте оқыған. Мектепті бітірген соң Санкт-Петербургке оқуға кеткен. Санкт-Петербург мемлекеттік экономика университетінде үшінші курсында оқып жүрген Максим оқуын бітірген соң Қазақстанға қайтып келіп, IT саласында жұмыс істегісі келген.

Ата-анасы мен мұғалімдерінің айтуына қарағанда, метрода теракт болған сәтте Максим жарылған бомбаға өте жақын жерде болып, қатты соққы алған.

Санкт-Петербургте 3 сәуір күні күндіз метроның "Сенная площадь" және Технология институты" станцияларының арасында вагонда жарылыс болған. Жарылыстан 14 адам, оның ішінде қазақстандық студент Максим Арышев те қаза тапты, 50-ге жуық адам жараланды.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген. Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері. 2012 жылдан бері "Азаттық" радиосының тілшісі. Сочи, Рио, Пхенчхан олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG