Accessibility links

Бішкекте Жоғары Еуразия экономикалық кеңесінің жиыны басталды


Еуразия экономикалық одағына мүше елдер басшылары Санкт-Петербургте өткен саммит кезінде. Ресей, 26 желтоқсан 2017 жыл.

Бішкекте бүгін Жоғары Еуразия экономикалық кеңесінің жиыны басталды. "Ала-Арча" резиденциясында өтіп жатқан жиынға Еуразия экономикалық одағына (ЕАЭО) мүше елдер - Армения, Беларусь, Қазақстан, Қырғызстан және Ресей президенттері қатысуға келген. Азаттықтың Қырғыз редакциясының хабарлауынша, президенттер әуелі жабық түрде кездеседі, оған БАҚ өкілдері қатыстырылмайды.

Жиын қарсаңында Қырғызстан президенті Алмазбек Атамбаев Молдова президенті Игорь Додонмен кездесті. Бұған дейін ресми дереккөздері бүгін Молдоваға ЕАЭО-ға бақылаушы мемлекет мәртебесін беру мәселесі қаралуы тиіс екенін хабарлаған. Бұдан соң кеңейтілген жиынға ЕЭАО елдері мен Молдованың президенттері қатысады.

Биыл ЕАЭО-ға Қырғызстан төрағалық жасайды. Алмазбек Атамбаевтың ұсынысымен 2017 жыл Еуразия кеңістігінде бизнесті дамытуға қолайлы жағдайлар туғызуға арналады.

Бүгінгі жиын барысында президенттер ЕАЭО аясында экономикалық өзара іс-қимыл, халықаралық ынтымақтастық және интеграция мәселелерін талқылайды.

AzattyqTV

Аудиоподкаст

XS
SM
MD
LG