Accessibility links

ІІМ: Жеті облыста 2 мыңға тарта үйді су басқан


Көктемгі тасқын су басқан тұрғын үйлер. Ақтөбе, 16 сәуір 2017 жыл.

Қазақстанның жеті облысында соңғы күндері 2 мыңға тарта үйді су басты деп хабарлады бүгін ішкі істер министрі Қалмұханбет Қасымов.

Астанада өткен үкімет сағатында Қасымов Қазақстандағы соңғы күндердегі су тасқыны мен оның зардаптарын жою шаралары туралы баяндады. Министрдің сөзінше, Ақмола, Павлодар, Қостанай, Солтүстік Қазақстан, Шығыс Қазақстан, Қарағанды, Ақтөбе облыстарында ондаған елді мекенде 1949 үйді су басқан. 120 жол бөліктерін су басып, оның 63-і қайта қалпына келтірілген. Тағы 50 елді мекенді су басу қаупі туындап отыр.

Қасымовтың айтуына қарағанда, қазір Атбасар қаласындағы жағдай өте қиын. Мұнда Жабай өзенінде су деңгейі көтеріліп, өткен жылы 200 миллион теңгеге салынған бөгетті су бұзып кеткен. 263 үй су астында қалып, 130-дан астам үйді су басу қаупі туып тұр.

Ақмола облысының әкімі Мәлік Мырзалиннің айтуына қарағанда, облыстағы 26 елді мекенде 893 үйді су басып, 2418 адам қауіпсіз жерге көшірілген.

  • 16x9 Image

    Өркен ЖОЯМЕРГЕН

    Өркен Жоямерген 2006 жылы әл-Фараби атындағы Қазақ ұлттық университеті журналистика факультетінің бакалаврын, 2008 жылы магистратурасын тәмамдаған. Қызмет жолын "Алматы Ақшамы" газетінен бастаған. Алматы және Астана қалаларындағы бірқатар бұқаралық ақпарат құралдарында жұмыс істеген. Қазір Азаттық Радиосы Астана бюросының жетекшісі. 

    Автормен оның Facebook парақшасында да пікірлесуіңізге болады.

AzattyqTV

AzatNews 25.04.2018
please wait
Embed

No media source currently available

0:00 0:15:23 0:00

Фотогалерея

XS
SM
MD
LG