Accessibility links

Шымкенттегі жауапкершілігі шектеулі серіктестіктің бірінде екі жұмысшы қаты жараланып, жедел жәрдем станциясына жеткізілген. Бұл туралы Азаттыққа Оңтүстік Қазақстан облыстық еңбек инспекциясы хабарлады.

Еңбек инспекциясының өкілі Бегман Нұрмахановтың айтуынша, өндірістегі жазатайым жағдай бойынша еңбек инспекциясына хабарлама бүгін түскен. Шымкенттегі "НұрСтрой ЛТД" жауапкершілігі шектеулі серіктестігінде 21 сәуірге қараған түні екі жұмысшының үстіне құрылыс материалдары түсіп, жарақат алған.

- Жұмысшылардың жарақаты ауыр. Қазір олар қалалық жедел жәрдем станциясында жатыр. Бұл іс бойынша арнайы комиссия құрылды. Оқиғаның мән-жайы 10 жұмыс күнінде анықталады, - деді Бегман Нұрмаханов.

Дәрігерлер екі жұмысшының бірі жан сақтау бөлімінде жатқанын, екіншісінің жағдайы қалыпты екенін айтады.

  • 16x9 Image

    Дилара ИСА

    Дилара - Азаттықтың Шымкенттегі тілшісі. 1986 жылы туған. Солтүстік Қазақстан мемлекеттік университеті мен Абай атындағы ҚазҰПУ-ді бітірген.

    "Жас Алаш" газетінде жұмыс істеген.

    Азаттықпен 2012 жылдан бері әріптес.

AzattyqTV

Аудиоподкаст

XS
SM
MD
LG