Accessibility links

Навальный өзіне жасалған шабуылға Кремльді айыптады


Алексей Навальныйдың (ортада) шабуылдан кейін жақтастарымен бірге түскен суреті. Мәскеу, 27 сәуір 2017 жыл.

Ресейлік оппозициялық саясаткер Алексей Навальный өзіне қарсы жасалған шабуылды ұйымдастырған деп Кремльді айыптады. Навальныйдың пікірінше, оның қайда баратыны туралы нақты ақпаратты өзгелерден тек арнайы қызметтер ғана білетіні күмән тудырмайды.

Сәуірдің 27-і күні Мәскеуде белгісіз ер адам Алексей Навальныйдың бетіне көкдәрі (зеленка) шашып жіберген. Саясаткердің айтуынша, қатты зақымданған оң жақ көзі әлі қалпына келмеген, ол мүлде көрмей қалуы да мүмкін. Дәрігерлердің болжамы бойынша, шабуыл жасаған адам шашқан көкдәрінің құрамында әлдебір басқа зат қосылған болуы мүмкін.

Алексей Навальныйға бұған дейін де, наурыздың 20-сы күні Барнаул қаласында белгісіз біреу көкдәрі шашып кеткен. Навальныйдың айтуынша, ол жолғы оқиғадан соң 10 минуттан кейін көзі қалпына келген. Шабуыл жасаған адам бейнекамераға түсіп қалған. Бірақ құқық органдары әлі күнге дейін қылмыстық іс ашпаған.

Пікіріңіз

Оқырман пікірлері

AzattyqTV

XS
SM
MD
LG