Финляндияның бұрынғы президенті Мауно Койвисто жұма күні 93 жасында ауруханада қайтыс болды. Бұл туралы елдің қазіргі президентінің баспасөз қызметі хабарлады.
Финляндияның тоғызыншы президенті болған Мауно Койвисто 1982-1994 жылдар аралығында президент қызметін атқарған. Оған дейін Койвисто Финляндия премьер-министрі, қаржы министрі және орталық банк басшысы қызметтерінде істеген.
Өмірінің соңғы кезеңінде Альцгеймер ауруына шалдыққан Койвисто қоғамдық іс-шараларға қатыспаған.
