Accessibility links

Назарбаев "Бір белдеу, бір жол" бастамасының "күшті тұстарын" айтты


Қазақстан президенті Нұрсұлтан Назарбаев "Бір белдеу, бір жол" форумында Қытай президенті Си Цзиньпинмен қол алысып тұр. Пекин, 14 мамыр 2017 жыл.
Қазақстан президенті Нұрсұлтан Назарбаев "Бір белдеу, бір жол" форумында Қытай президенті Си Цзиньпинмен қол алысып тұр. Пекин, 14 мамыр 2017 жыл.

Қытайда "Бір белдеу, бір жол" форумына қатысып жатқан Қазақстан президентіНұрсұлтан Назарбаев Пекиннің Жібек жолын жаңа форматта дамыту ұсынысы "әлемдегі күшейіп келе жатқан саяси, экономикалық және гуманитарлық дағдарыстарға уақытында берілген жауап" екенін және "жаңа геоэкономикалық парадигма түзуге мүмкіндік тудыратыын" мәлімдеді. Ақорданың баспасөз қызметінің хабарлауынша, Назарбаев "Бір белдеу, бір жол" бастамасының мықты тұстарын келтірген.

"Бірлескен даму арқылы тұрақтылық орнату" әдісі қазір ондаған елдің экономикалық мүддесін қамтитын халықаралық ынтымақтастықтың жағымды формасы саналады. Осыған байланысты қазір Жібек жолының белгілі бір контурлары айқын болып тұрған кезде бұл макроаймақтық кооперацияны бірлесе іске асыру керек. Сонымен қатар Жібек жолы бастамаларын іске асыру тұтас аймақтарды, оның ішінде Орталық Азияны ғаламдық деңгейге жаңаша көрсетуге жол ашады" деді Назарбаев.

Қазақстан президенті сонымен қатар Жібек жолы экономикалық белдеуі Шанхай ынтымақтастық ұйымы, Еуразия экономикалық одағы мен Еуропа Одағын тиімді байланыстыруы мүмкін екенін айтты.

Назарбаевтың сөзіне қарағанда, көлемі артып келе жатқан транзиттік потенциалды игеру үшін тауар айналымын қызмет көрсету сапасын арттыру, әкімшілік кедергілерді жою арқылы жеңілдету керек. Назарбаев Қазақстан биыл бұл мақсатта "нақты шаралар жасап жатқанын" айтты. "Бұл сараптама мен тиісті қаржыны қажет етеді. Азия инфрақұрылымды инвестициялау банкі мұндай бағдарламаларды белсенді түрде қаржыландыруы қажет деп ойлаймын" деді.

Қытай биыл өзінің Иу қаласынан Лондонға тіке жүк пойызымен тауар тасымалдай бастаған. Пойыз аралығы 12 мың километрге жуықтайтын жолды 18 күн жүреді. Пойыз маршруты Қазақстан, Ресей, Беларусь, Польша, Германия, Бельгия және Франция арқылы өтеді.

XS
SM
MD
LG