Өзбекстан президенті Шавкат Мирзияев пен Тәжікстан президенті Эмомали Рахмон 21 мамырда Эр-Риядта өтетін Мұсылман елдері және АҚШ саммитіне қатысады.
Мемлекет басшылары Эр-Риядқа Сауд Арабиясының королі Салман бин Абдулазиз әл-Саудтың шақыртуымен барады.
Өзбекстан сыртқы істер министрлігі баспасөз қызметінің хабарлауынша, Мирзияев мұнда екі жақты кездесулер өткізбек.
Тәжікстан президенті аппаратындағы дереккөздің хабарлауынша, Эмомали Рахмон саммитте баяндама жасауы мүмкін.
Саммитке Пәкістан премьер-министрі Наваз Шариф, Ауғанстан президенті Ашраф Гани шақыртылған. Кездесуге АҚШ президенті Дональд Трамп қатысады, ол - осы саммит құрылтайшыларының бірі.