Accessibility links

Қазақстан Ислам ынтымақтастық ойындарында 19 медаль алды


Қазақстан бокс құрамасы Ислам ынтымақтастық ойындарында (Сурет авторы - Ардақ Тоғымов).

Бүгін Бакуде (Әзербайжан) төртінші Ислам ынтымақтастық ойындарының жабылу салтанаты өтеді. Қазақстан бұл жарыста екі алтын, бес күміс, он екі қола медальмен жалпы есепте 14-орын алды.

Боксшы Азат Махметов пен Тұрсынбай Құлахмет чемпион атанса, Айнұр Есбергенова, Әлімжан Серікбаев (екеуі де – таэквондо), Жандос Исмаилов, Даулет Шабанбай (екеуі де– еркін күрес), Жәмила Бақбергенова (әйелдер күресі) финалда жеңілді.

Гүлдана Әлмұханбетова, Еламан Ерғалиев (екеуі де– дзюдо), Жансель Дениз (таэквондо), Қуан Қуатов, Сұлтан Заурбек, Илья Очкин (үшеуі де – бокс), Ілияс Жұмай, Болат Сақаев, Мамед Ибрагимов, Әділет Давлумбаев (үшеуі де - еркін күрес), Айгүл Нұралым, Зарина Кұнанғараева (екеуі де – әйелдер күресі) қола медаль иеленді.

Бакудегі Ислам ойындарына Қазақстаннан 32 спортшы қатысты. Жалпы есепте 152 медаль алған Әзербайжан (74 алтын, 46 күміс, 32 қола) бірінші орын алды. Екінші орынды Түркия (68-63-54), үшінші және төртінші орындарды Иран (30-26-33) мен Өзбекстан (15-17-30) иеленді.

  • 16x9 Image

    Руслан МЕДЕЛБЕК

    Азаттықтың Прагадағы кеңсесінде қазақ тілінде редактор. Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің репортері. Сочи, Рио, Пхенчхан олимпиада ойындарынан, Джакартада өткен Азия ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG