Accessibility links

Жұмақанов пен Отгонцэцэг дзюдодан Азия чемпионатында күміс алды


Галбадрах Отгонцэцэг (ақ формада) Рио олимпиадасында.

Дзюдодан Гонконгта басталған Азия чемпионатының алғашқы күнінде Қазақстан құрамасы екі күміс, бір қола медаль иеленді.

Ерлер арасында 66 килограмда Елдос Жұмақанов финалда 2015 жылғы әлем чемпионы, Рио олимпиадасының күміс жүлдегері Ан Ва Улдан (Оңтүстік Корея) жеңілді. Жұмақанов финалға дейін қытайдық Ву Джигианг, қырғызстандық Бектұр Рысмамбетовті, өзбекстандық Сардор Нуриллаевты жеңген еді.

73 килограмда Жансай Смағұлов алғашқы айналымда филиппиндік Кейси Наканодан, жапониялық Арака Татсукавадан басым түскен. Ал жартылай финалда Ан Чанг Римнен (Оңтүстік Корея) жеңілді. Қолаға таласта ирандық Мохаммад Бариманлоуды таза жеңді.

Әйелдер арасында 48 килограмда Рио олимпиадасының қола жүлдегері Галбадрах Отгонцэцэг жартылай финалда жапониялық Фуна Тонакиден үстем түскенімен, финалда моңғолиялық Уранцэцэг Мунхбаттан жеңіліп қалды. Моңғолияда туған Отгонцэцэг 2012 жылы Қазақстан дзюдо федерациясының шақыртуымен осы елдің азаматтығын алған.

Азия чемпионаты 28 мамырда аяқталады.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

AzattyqTV

Аудиоподкаст

XS
SM
MD
LG