Accessibility links

Скотленд-ярд "террорлық желі" мүшелерін ұстаған


Манчестердің орталық алаңдарының біріне теракт құрбандарын еске алуға келген адамдар. Ұлыбритания, 26 мамыр 2017 жыл.

Британ полициясы Манчестердегі жарылысты тергеу барысында бірнеше адамды тұтқындап, маңызды айғақтар тапқан. Скотленд-ярдтың террорға қарсы операцияларының жетекшісі Марк Роулидің хабарлауынша, тергеушілер ықтимал террорлық желінің көп бөлігін тұтқындаған. Мамырдың 22-і күні "Манчестер-арена" концерт залында өзін жарған Салман Абеди де осы ұсталған топқа мүше болған. Терактіден қаза тапқан 22 адамның арасында балалар да бар. 65 адам әртүрлі дәрежеде дене жарақатын алған.

Скотленд-ярд өкілінің сөзінше, қылмысты тергеу барысында кейбір жайттар анықталған, алдағы уақытта тағы да күдіктілер ұсталуы мүмкін.

Манчестердегі теракт ісі бойынша 18-38 жас аралығындағы сегіз ер адам тұтқындалған. Бұл іске байланысты Ұлыбритания аумағында полиция жалпы саны 10 адамды ұстаған, алайда олардың екеуін – 16 жастағы жасөспірім және 34 жастағы әйелді ешқандай айып тақпастан босатқан.

AzattyqTV

XS
SM
MD
LG