Accessibility links

Кәрім Баратов тұтқыннан босатуды сұрап апелляциялық шағым берді


Кәрім Баратовтың Онтариода ұсталғаны туралы ақпарат жарияланған канадалық сайттың скриншоты. 17 наруыз 2017 жыл.

Қазақстанда туған Канада азаматы 22 жастағы Кәрім Баратов өзін тұтқыннан босатуды сұрап апелляциялық шағым берген. Баратов «Ресей арнайы қызметімен сөз байласып, АҚШ-тағы Yahoo интернет компаниясы желісіндегі 500 миллионнан аса электрондық жәшікке кибершабуыл жасауға қатысқан» деген күдікпен ұсталған.

Қазіргі кезде Кәрім Баратовты экстрадициялауды сұраған АҚШ-тың өтінішін қарап жатқан Канада билігі бұл мәселе бойынша шешім қабылдайтын сот өтетін күнді маусымның 16-сында белгілейді. Баратовтың өзін тұтқыннан кепілге босатуды сұраған өтініші маусымның 5-і күні қаралмақ.

Кәрім Баратов наурыз айында қамауға алынған, сәуірде Канада соты «ол бостандыққа шықса қашып кетуі мүмкін» деген қауіппен Боратовты кепілге босатудан бас тартқан.

AzattyqTV

XS
SM
MD
LG