Accessibility links

Кабулде күшті жарылыстан 80 адам қаза тапты


Кабулдың орталығындағы жарылыс болған аумақ. Ауғанстан, 31 мамыр 2017 жыл.
Кабулдың орталығындағы жарылыс болған аумақ. Ауғанстан, 31 мамыр 2017 жыл.

Кабулдың орталығында 31 мамырда күшті жарылыс болып, кем дегенде 80 адам қаза тапты, 350-ден астам адам жараланды деп хабарлады Ауғанстанның денсаулық сақтау министрлігіне сілтеме жасаған Азаттықтың Ауған редакциясы. Ішкі істер министрлігі Кабул тұрғындарын қан тапсыруға шақырып жатыр.

Полицияның хабарлауынша, таңертеңгі қарбалас кезде президент сарайына және шетелдік елшіліктер орналасқан Вазир Акбар Хан ауданында көлікке жасырылған бомба жарылған.

Кабул полициясының ресми өкілі Васир Муджаһид Германия елшілігінің кіреберісінде болғанын айтады.

Қауіпсіздік күштері жарылыстан Германия елшілігінің қызметкерлері зардап шеккені, я аман қалғаны белгісіз екенін айтады.

Францияның Еуропа істері бойынша министрі Маиэлле де Сантез Europe 1 радиосына Кабулдағы жарылыстан Франция мен Германия елшіліктері зардап шеккенін, бірақ әзірге француз азаматтарының қаза тапқаны туралы мәлімет жоғын айтты.

Жарылыс жауапкершілігін әзірге ешкім мойнына алған жоқ.

Кабулдағы жарылыс туралы Азаттық фотогалереясы:

XS
SM
MD
LG