Қазақстан мен Қытай жер қойнауын пайдалануға арналған келісімшарттардың мерзімін ұзарту туралы меморандумға қол қойды. Қазақстан энергетика министрлігінің хабарлауынша, меморандумға энергетика министрі Қанат Бозымбаев пен Қытай ұлттық мұнай-газ корпорациясы (CNPC) директорлар кеңесінің төрағасы Ван Илиньнің кездесуінде қол қойылған. Меморандум 3 жыл қолданыста болмақ.
Құжатқа сай тараптар Жаңажол газ өңдеу зауытындағы газ өңдеу тарифтері жөнінде келісімді "Ақтөбемұнайгаз-СНПС" компаниясы мен "ҚазМұнайГаз" компаниясы арасындағы жекелеген келіссөздер аясында жасауға уағдаласқан.
Кездесуде тараптар үлестері бар кен орындарында өзара тиімді қатынастарды одан әрі дамыту үшін көрсетілген келісімшарттар шеңберіндегі ынтымақтастықты жалғастыруға ниет білдірді.