Бүгін таңертең Алматыдан оңтүстік-батысқа қарай 669 километр қашықтықта 5,0 магнитудалы жер сілкінісі тіркелген.
Алматы уақыты бойынша сағат 10:28 кезінде тіркелген жер сілкінісінің ошағы Тәжікстан аумағында, жер қабатының 25 километр тереңдігінде болған деп хабарлайды Қазақстан білім және ғылым министрлігінің сейсмологиялық әдістеме-тәжірибелік орталығы.
Жер сілкінісінің энергетикалық класы - 9,9.
Жерасты дүмпуінің Қазақстан аумағында сезілгені туралы мәлімет жоқ.