Accessibility links

СПИД орталығы: Қазақстанда ВИЧ жұқтырған 15 бала ем қабылдамай жүр


Сайранкүл Қасымбекова, республикалық СПИД орталығының департамент басшысы. Шымкент, 14 маусым 2017 жыл.
Сайранкүл Қасымбекова, республикалық СПИД орталығының департамент басшысы. Шымкент, 14 маусым 2017 жыл.

Қазақстанда ВИЧ жұқтырған 15 бала арнайы емді қабылдамай жүр. Бұл туралы бүгін Азаттыққа Шымкентте өтіп жатқан халықаралық семинарда республикалық СПИД орталығының департамент басшысы Сайранкүл Қасымбекова айтты.

ЮНИСЕФ-тің ұйымдастырумен өтіп жатқан семинарға қатысып жатқан Сайранкүл Қасымбекованың айтуынша, Қазақстанда 430 бала ВИЧ жұқтырған. Олардың 15-і арнайы ем қабылдамай жүр.

- Балалардың ата-анасы ем қабылдатудан бас тартып отыр. Ата-аналар ем қабылдамаудың себебін айтпайды не діни сеніммен байланыстырады. 15 баланың 9-ы Оңтүстік Қазақстан облысының тұрғындары. Аймақта бұл мәселе өзекті болып тұр. Заң бойынша, СПИД орталығы мен жергілікті әкімдіктер балалардың ата-аналарын ата-ана құқығынан айыруға хақы бар. Мұны сот шешеді. Біз балалардың құқығын қорғауға міндеттіміз. Ата-аналар балаларын емдетуге міндетті, - дейді департамент басшысы.

Сайранкүл Қасымбекова ем қабылдамай жүрген ВИЧ жұқтырған балалардың жас шамасы 1-15 жас аралығында екенін айтады.

XS
SM
MD
LG