Accessibility links

Астанада дүниежүзі қазақтарының кезекті құрылтайы басталды


Астанада басталған дүниежүзі қазақтарының бесінші құрылтайы. 23 маусым 2017 жыл.

Астанада дүниежүзі қазақтарының бесінші құрылтайы басталды. Ресми мәлімет бойынша, ЭКСПО-2017 халықаралық көрмесі аясында ұйымдастырылған құрылтайға 800-ге тарта делегат қатысады, олардың 350-і 39 мемлекеттен келген.

Құрылтайды Қазақстан президенті Нұрсұлтан Назарбаев сөз сөйлеп ашты.

Құрылтай кезінде халықаралық ғылыми-тәжірибелік конференция, бірнеше министрліктің ұйымдастыруымен дөңгелек үстелдер өтеді, құрылтай қонақтары ЭКСПО-2017 көрмесін аралайды деп жоспарланған.

Бұған дейін, 22 маусымда Дүниежүзі қазақтары қауымдастығы төрағасының бірінші орынбасары Талғат Мамашев құрылтайда көптеген мәселе талқыланатынын айтқан. Ол Азаттық тілшілерінің "Ертең Шыңжаңдағы діни радикал ұйымдармен араласы бар деген күдікпен тұтқындалған қазақтардың мәселесі көтеріле ме?" деген сауалға "Басымды қатырмашы" деп дөрекі түрде жауап берген.

Дүниежүзі қазақтарының құрылтайы бірінші рет 1992 жылы Алматыда өткен. Құрылтай әрбір бес жыл сайын ұйымдастырылады. Биылғы жиын тақырыбы президенттің "Болашаққа бағдар: рухани жаңғыру" мақаласына негізделген.

ВИДЕО: Талғат Мамашевтің Азаттық тілшісі сұрағына жауабы (22.06.2017)

Мамашев: "Басымды қатырмашы!"
please wait

No media source currently available

0:00 0:00:57 0:00

  • 16x9 Image

    Өркен ЖОЯМЕРГЕН

    Өркен Жоямерген 2006 жылы әл-Фараби атындағы Қазақ ұлттық университеті журналистика факультетінің бакалаврын, 2008 жылы магистратурасын тәмамдаған. Қызмет жолын "Алматы Ақшамы" газетінен бастаған. Алматы және Астана қалаларындағы бірқатар бұқаралық ақпарат құралдарында жұмыс істеген. Қазір Азаттық Радиосы Астана бюросының жетекшісі. 

    Автормен оның Facebook парақшасында да пікірлесуіңізге болады.

Пікіріңіз

Оқырман пікірлері

AzattyqTV

AzatNews 14.12.2018
please wait
Embed

No media source currently available

0:00 0:14:50 0:00
XS
SM
MD
LG