Accessibility links

Алматыда Иегова куәгерлерінің үш күндік конгресі өтіп жатыр


"Иегова куәгерлері христиандар қауымы" діни бірлестігінің конгресі. Алматы, 23 маусым 2017 жыл.

Алматыдағы Иегова куәгерлері христиандары орталығында бүгін үш күндік діни конгресс жұмысын бастады. Ұйымдастырушылардың айтуынша, оның жұмысына бес мың делегат қатысып отыр. Олардың ішінде мың жарым адам АҚШ, Германия, Қырғызстан, Грузия, Украина және өзге елдерден келген.

"Иегова куәгерлері христиандар қауымы" баспасөз қызметінің ақпараты бойынша, жиынға қонақ ретінде Алматы әкімдігі мен діндерді зерттеу орталықтарының өкілдері де келген. Бұл жиынды өткізуге жергілікті билік орындары рұқсат берген.

Конгресс тақырыбы - "Берілмеңдер!" сөзі Інжілден алынған делінген діни қауымдастықтың вебсайтында.

Бұл жиын Қазақстандағы Иегова куәгерлері діни қауымдастығы өкілі, 61 жастағы Теймур Ахмедовке сот үкімі шыққаннан кейін өтіп жатыр. Мамырдың 2-і күні Астананың Сарыарқа аудындық №2 соты Ахмедовты "діни алауыздықты қоздырғаны" үшін бес жылға бас еркіндігінен айырған. Осы аптада Астана қалалық соты оның апелляциялық шағымын қанағаттандырудан бас тартқаннан кейін үкім заңды күшіне енген.

  • 16x9 Image

    Светлана ГЛУШКОВА

    Светлана Азаттықтың Астана бөліміндегі тілші болып 2010 жылдан бастап істей бастады. Жоғары білімді ҚарҰУ-де алған. Жеті жыл қалалық жәнереспубликалық арналарда тілші және редактор ретінде тәжірибе жинаған.

AzattyqTV

XS
SM
MD
LG