Accessibility links

Татарстанда жол-көлік апатынан 13 адам қаза болған


Көрнекі сурет.

Ресей құрамындағы Татарстан республикасында бүгін түнде жүк көлігі мен жолаушылар автобусы соқтығысып, салдарынан 13 адам мерт болып, 15 адам жарақат алған.

Төтенше жағдайлар қызметінің мәліметі бойынша, жол-көлік апаты Заинск қаласы маңында болған. «Самара - Ижевск» бағытымен жолаушылар апара жатқан автобус «Камаз» жүк көлігімен соқтығысқаннан кейін жол үстінде аударылып, өртенген.

Татарстан денсаулық сақтау министрлігі қаза болғандардың екеуі – балалар, зардап шеккендердің төртеуі ауыр халде жатыр деп хабарлады.

Алдын ала мәлімет бойынша, автобуста барлығы 28 адам болған.

Тергеу тобы жол-көлік апатының себебін анықтап жатыр. Апаттан тірі қалған автобус жүргізушісінен жауап алынған.

AzattyqTV

Қытайда әлемдегі ең ұзын көпір ашылды
please wait

No media source currently available

0:00 0:00:28 0:00

Фотогалерея

XS
SM
MD
LG