Accessibility links

АҚШ Қытайға Пхеньянға қарсы жаңа санкция жайлы қарар жобасын берген


БҰҰ жанындағы АҚШ-тың тұрақты өкілі Никки Хейли. Нью-Йорк, 5 шілде 2017 жыл.

БҰҰ-ның Нью-Йорктегі штаб-пәтерінде АҚШ Солтүстік Кореяға құрлықаралық баллистикалық зымыранды сынақтан өткізгені үшін жаңа санкция салу туралы Қауіпсіздік кеңесі қарары жобасын Қытайға тапсырды.

Әдетте БҰҰ-дағы АҚШ пен Қытай өкілдері Пхеньянға қарсы санкцияны қатаңдату жоспарын алдын ала талқылайды. Содан кейін құжатпен Қауіпсіздік кеңесінің вето қою құқығына ие өзге тұрақты мүшелері танысады: Ұлыбритания мен Францияға жобаны АҚШ, Ресейге – Қытай ұсынады.

Бұған дейін БҰҰ жанындағы АҚШ-тың тұрақты өкілі Никки Хейлидің Солтүстік Кореяға жаңа санкция салу туралы ұсынысына байланысты Ресей проблеманы мұндай әдіспен шешу мүмкін емес деп мәлімдеген.

Бұған дейін Солтүстік Корея шілденің 4-і күні құрлықаралық баллистикалық зымыран сынағын өткізгені туралы хабарлап, "Хвансон 14" типті зымыран "ауыр ядролық оқтұмсықты" АҚШ-тың құрлықтағы территориясына жеткізе алады деп мәлімдеген.

AzattyqTV

Аудиоподкаст

XS
SM
MD
LG