Accessibility links

Қырғызстанның Жоғарғы Нарын ГЭС-ін чех компаниясы салатын болды


Қырғызстан президенті Алмазбек Атамбаев (ортада ) Чехияның Liglass Trading компаниясы арасындағы Жоғарғы Нарын ГЭС-ін салу туралы келісімге қол қою салтанаты. Бішкек, 10 шілде 2017 жыл.

Қырғызстан үкіметі мен Чехияның Liglass Trading компаниясы арасында Жоғарғы Нарын сарқырамасында және басқа да жерлерде шағын су электр станцияларын салу туралы келісімге қол қойылды. Оған Қырғызстан президенті Алмазбек Атамбаев қатысты.

Келісімге сәйкес, чех компаниясы Жоғарғы Нарын сарқырамасындағы Ақбұлақ және Нарын су электр станцияларын, сонымен бірге он шағын ГЭС салып, оларды іске қоспақ.

Liglass Trading CZ s.r.o "Жоғарғы Нарын су электр станциясы" компаниясының жарғылық капиталына 37 миллион доллар құяды. Бұл қаражат мекеменің 50 пайыз акциясы көлеміндегі Ресейге тиесілі үлесін чех компаниясына аудару үшін керек.

Құжаттарға қол қою салтанатында Алмазбек Атамбаев "Еуропадан жекеменшік ірі инвесторлардың келуі - әлемнің басқа инвесторларына үлгі болып, Қырғызстанның бизнес жүргізуге жағдай жасай алатынын көрсетеді" деп мәлімдеді.

Бұған дейін Жоғарғы Нарын ГЭС-ін Ресей салатын болған еді, бірақ кейін бұл ел келісімінен бас тартқан.

Пікіріңіз

Оқырман пікірлері

AzattyqTV

Аудиоподкаст

XS
SM
MD
LG