Accessibility links

АҚШ-та әскери ұшақ апат болып, 16 адам қаза тапты


Миссисипи штатының Лефлер округінде апатқа ұшырап, өртеніп жатқан KC-130 Hercules әскери транспорт ұшағы. АҚШ, 11 шілде 2017 жыл.

АҚШ-тың Миссисипи штатында әскери ұшақ апатқа ұшырап, кем дегенде 16 адам қаза тапты деп хабарлады жергілікті билік. Ұшақ 10 шілде күні кешке жақын штат орталығы Джэксон қаласынан 100 километр қашықтықтағы Лефлер округінде құлаған. Ұшақ апатына не себеп болғаны әзірге белгісіз.

АҚШ теңіз жаяу әскері корпусының баспасөз хатшысы Сара Бернс теңіз жаяу әскері авиация корпусының KC-130 Hercules әскери транспорт ұшағы қайғылы жағдайға тап болғанын ғана айтты.

Куәгерлердің оқиға орнынан хабарлауынша, ұшақ корпусы толық қирап, жанып кеткен. Ұшақтың қираған бөлшектері мен адам денелері ұшақ құлаған жерден радиусы тоғыз километр жерге дейін шашылып кеткен. Округтік төтенше жағдайлар қызметінің директоры Фрэд Рэндл кем дегенде 16 адам қаза тапқанын хабарлады. Миссисипи штатының губернаторы Фил Брайант Facebook-те ұшақ апатын "қайғылы оқиға" деп атады.

Пікіріңіз

Оқырман пікірлері

AzattyqTV

XS
SM
MD
LG