Accessibility links

Түркменстанда ондаған "гүленші" сотталды


Түркменстанның Лебап облысындағы полиция қызметкері.
Түркменстанның Лебап облысындағы полиция қызметкері.

Түркменстанда ондаған адам "Гүлен қозғалысымен" байланысы бар деген айыппен сотталды. Азаттықтың түркмен қызметінің хабарлауынша, Лебап облыстың соты 5-7 шілдеде кем дегенде 40 адамға қатысты шешім шығарған. Жазаланғандардың басым бөлігі - түркмен-түрік лицейінің түлектері мен қызметкерлері.

Мамырда Түркменстанда Фетуллах Гүленнің қозғалысына қатысы бар деген күдікпен елуден астам адам қамауға алынғаны хабарланған. Азатлыктың дереккөзі дәл осы адамдар жабық сотта 12-20 жыл арасында жаза алған.

Ақпан айында Ашгабат соты "гүленшіл" 18 адамды 25 жылға соттаған. Олардың арасында түркменстандық кәсіпкерлерде бар.

Түркменстанның оппозициялық сайттарының жазуынша, ел билігі мұнай-газ жұмысшыларының жалақыларының бір бөлігін қысқартып, Ашгабатта өтетін Азия ойындарының шығынын жабуға жұмсап жатыр.

XS
SM
MD
LG