Accessibility links

Ақмола облысында ер адам прокуратура мен ІІБ қызметкерлеріне оқ атқан


Көрнекі сурет.

Ақмола облысында 61 жастағы ер адам прокуратура мен Целиноград аудандық ішкі істер басқармасы қызметкерлеріне оқ атып, жарақаттаған. Кейін ол өз-өзіне де оқ атқан. Бұл туралы Ақмола облыстық ішкі істер департаментінің баспасөз қызметі хабарлады.

Департаменттің мәлімдеуінше, "20 шілдеде сағат 14.35-те белгісіз біреу "Фольксваген Пассат" көлігінде отырып, Целиноград прокуратурасының ғимараты маңында прокуратура өкілі мен Целиноград аудандық ІІБ қызметкеріне оқ атқан. Жедел-іздестіру кезінде көлік ішінен күдіктінің мәйіті табылды. Ол өз-өзіне жүрек тұсына оқ атқан. Зардап шеккен прокуратура мен департамент қызметкерлерінің жағдайы тұрақты, алғашқы көмек көрсетілді".

Күдіктіні ақша жымқыру күдігі бойынша антикоррупциялық қызмет тергеп жатқан.

AzattyqTV

XS
SM
MD
LG