Бүгін Кабулда жарылыс болып, кем дегенде 24 адам мерт болып, 40 адам жарақаттанған. Ішкі істер министрлігінің хабарлауынша, бүгін таңертең жетілер шамасында Кабулдың батыс аймағында автобусқа қойылған бомба жарылған. Автобуста тау-кең министрлігінің қызметкерлері болған.
Жарылыстан кейін бірнеше сағат қанша адамның зардап шеккені белгісіз болған. Алдын ала дерек бойынша, жарылысты ұйымдастырушы да қаза тапқан. Ішкі істер министрлігі автобустың толық жанып кеткенін мәлімдеді.
Жарылысты "Талибан" ұйымы өз мойнына алғаны хабарланды.
