Accessibility links

Қазақстан бүкіләлемдік ойындарда үш медаль алды


Бүкіләлемдік ойындардан көрініс (Сурет жарыстың ресми сайтынан алынды).

Вроцлавта (Польша) Бүкіләлемдік ойындар (The World Games) аяқталды. Бұл жарыста олимпиада бағдарламасына енбейтін спорт түрлерінен жүлделер сарапқа салынды.

Қазақстан құрамасы бір алтын, екі қоламен жалпы есепте 36-орын алды. 19 жастағы Еламан Саясатов муайтайдан 54 килограмм салмақта Бүкіләлемдік ойындардың чемпионы атанды. Ол жартылай финалда ресейлік Асланбек Зикреевті, финалда испаниялық Кевин Мартинесті жеңді.

Пауэрлифтингтен Нұрлан Есмаханов пен муайтайдан Алмаз Сәрсембеков қола медаль иеленді.

Қазақстан 2013 жылы Калиде (Колумбия) өткен бүкіләлемдік ойындарға екі спортшы апарып, жүлдесіз қайтқан.

Келесі Бүкіләлемдік ойындары 2021 жылы Бирмингемде (Ұлыбритания) өтеді.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG