Accessibility links

Ресейде апат болған шахтада қалған сегіз адамды іздестіріп жатыр


"Мир" кенішінде. Саха республикасы, Ресей, 30 тамыз 2001 жыл. (Көрнекі сурет.)

Ресейдің Саха республикасындағы "Мир" кенішіндегі апат салдарынан жер астында қалып қойған адамдарды іздестіру-құтқару жұмыстары жалғасып жатыр. Тау-кен үңгушілер мен құзға өрмелеушілер шахта мен ұңғыма желдеткіштерін зерттеп, хабарсыз кеткендер туралы қандай да бір ақпаратты анықтауға тырысып жатыр деп хабарлайды ТАСС агенттігі "Алроса" компаниясының баспасөз қызметіне сілтеме жасап.

Компания иелігіндегі шахтада болған апаттан кейін хабар-ошарсыз кеткен сегіз адамның тағдыры әзірше белгісіз қалып отыр. Тамыздың 4-і күні шахтаны су басқан кезде онда 151 адам жұмыс істеп жатқан. Апаттан кейін жер бетіне шығарылған 142 адамның екеуі жеңіл жарақаттанғаны, тоғыз адамның хабарсыз кеткені хабарланған. Сенбі күні шахта ұңғымасына өздігінен жеткен жұмысшы Әлішер Мирзаевты құтқарушылар жер бетіне алып шыққан. Өкпесіне зақым келген ол қазір ауруханада жатыр.

AzattyqTV

XS
SM
MD
LG