АҚШ президенті Дональд Трамп Вирджиния штатының Шарлотсвилдегі қақтығысқа қатысқан экстремистерді айыптады деп мәлімдеді Ақ үйдің баспасөз хатшысы
"Президент мәлімдемесінде зорлық-зомбылықтың, фанатизм мен өшпенділіктің барлық түрін айыптайтынын анық айтты. Әрине бұған ақ нәсілділерді өзгелерден артық санайтындар, ку-клус-клан, неонацистер мен барлық экстремистік топтар кіреді. Трамп барлық америкалықтарды бірігуге шақырды" делінген мәлімдемеде.
Президент Трамп сенбіде болған тәртіпсіздіктен кейін қақтығысқа қатысушыларды жария түрде айыптаған.
Тамыздың 12-сі күні Шарлотсвилл қаласында шеру өткізуді жоспарлаған ақ нәсілділер үстемдігін жақтаушы әсіре оңшылдар мен олардың қарсыластары арасында қақтығыстар болған. Шеруге қарсылар тобына бір көлік баса-көктеп кіріп кеткен. Соңғы мәліметтер бойынша, бір кісі өліп, жиырма шақты адам жарақат алған. Полиция ол көліктің жүргізуші Огайо штатының тұрғыны, 20 жастағы Джеймс Алекс Филдсті ұстаған.