Accessibility links

Өзбекстанда 50 мың сумдық банкнот айналымға шығады


Әлеуметтік желіде таралған Өзбекстандағы 50 мың сумдық жаңа банкнот.

Өзбекстанда келесі аптадан бастап 50 мың сум (ресми курс бойынша 12 АҚШ долларына тең) банкнотты айналымға шығады деп хабарлады осы елдің Орталық банкіндегі дереккөзіне сілтеме жасаған Азаттықтың Өзбек редакциясы. Соңғы жарты жылда Өзбекстанда осымен екінші рет жоғары номиналды ірі банкнот айналымға шығып жатыр.

Банкнотта Ташкент үстінде ұшып бара жатқан Хумо құсы бейнеленген.

Осы күнге дейін Өзбекстанда ең ірі банкнот 10 мың сум (шамамен 2,5 АҚШ доллары) биыл 10 наурызда айналымға енген болатын.

Өзбекстанның Орталық банкі қаржы реформасына байланысты, Тәуелсіздік күнін атап өткеннен кейін курс бағамын бірегейлендіру шарасы жүргізілетінін хабарлады.

Өзбек экономисі Тохир Собиров 2017 жылы ақпанда Азаттыққа берген комментариінде Өзбекстанда қолма-қол төлем жасау проблемасын шешу номиналы 50 мың және 100 мың сум болатын банкноттар енгізу керек деген пікір білдірген.

AzattyqTV

Түрксіб темір жолы қалай салынып еді?
please wait

No media source currently available

0:00 0:01:45 0:00
XS
SM
MD
LG