Accessibility links

Ресейде көз жұмған тәжік баланың ісі Страсбургке жолданбақ


Умарали Назаров, Санкт-Петербургте полиция бөлімінде қайтыс болған тәжік бала.

Санкт-Петербургте полиция бөлімінде қаза тапқан бес айлық тәжік бала Умарали Назаровтың ата-анасының адвокаттары Страсбургтегі Еуропаның адам құқықтары жөніндегі сотына шағым әзірлеп жатыр. Бұл жөнінде адвокат Ольга Цейтлина мәлімдеді. Таяуда ғана Санкт-Петербург соты баланың өліміне қатысты қозғалған қылмыстық істің тоқтатылуын заңды деп тапқан.

Тәжік баласы Умарали Назаров 2015 жылдың 13 қазанында Петербург ауруханасында көз жұмған. Бірер сағат бұрын миграциялық полиция өкілдері заңды бұзды деп ұсталған ата-анасынан сәбиді тартып алған. Сот-медициналық сараптама қорытындысына сәйкес, Умаралидің өліміне инфекция (цитомегаловирус) себеп болған.

Адвокат Ольга Цейтлина полиция өкілдері баланы анасы Зарина Юнусовадан тартып алып, заңды өрескел бұзды деп есептейді.

AzattyqTV

Аудиоподкаст

XS
SM
MD
LG