Ашхабад билігі көпқабатты үйлерде, тұрғындар орналастырған ауа салқындатқыштарды жаппай алып жатыр. Қазір қалада арнайы көлік шағын аудандарды аралап, көзге көрінген салқындатқыштарды демонтаж жасап жатыр.
Тұрғындар Ашхабад билігі салқындатқышты жинау шараларын қолданғанымен, тұрғындар оларды бәрібір орнатып жатқанын айтады.
“Жергілікті билік демонтаж жасағанымен, жаздыгүні ыстыққа шыдау мүмкін емес. Балалар шыдай алмай жылайды. Сол үшін салқындатқышты қайтадан орнатуға тура келеді. Оған 200-300 манат тағы төлейміз” дейді Мир-4 шағын ауданының тұрғындары.
Үш жыл бұрын билік көпқабатты үйлердің сыртында орнатылған салқындатқыштар қаланың сәнін кетіреді деп, жаппай алып тастауға бұйрық шығарған. Бұл тұрғындардың қарсылығын туғызған еді.
