Accessibility links

Атамбаев Жээнбеков үкіметін отставкаға жіберді


Алмазбек Атамбаев, Қырғызстан президенті.

Қырғызстан президенті Алмазбек Атамбаев премьер-министр Сооронбай Жээнбековті және үкіметті отставкаға жіберу туралы жарлық шығарды. Премьер-министр мен премьердің орынбасарлары, министрлер жаңа үкімет құрамы жасақталғанша қызметтерін атқара тұрады.

21 тамызда Жээнбеков Атамбаевтан президент сайлауына түсетініне байланысты өзін отставкаға жіберуді сұраған. Жээнбековтің кандидатурасын президент Атамбаев мүше Социал-демократиялық партия (СДП) ұсынған. 21 тамызда Қырғызстан Орталық сайлау комиссиясы Жээнбековті кандидат ретінде тіркеп, куәлік берген.

Сооронбай Жээнбеков "Ак Шумкар" партиясының жетекшісі Темір Сариев пен парламенттегі "Республика - Ата Журт" фракциясының жетекшісі Омурбек Бабановтан кейін тіркелген үшінші кандидат. Сариев пен Бабанов та бұрын премьер-министр болған.

AzattyqTV

XS
SM
MD
LG