Бүгін Астанадағы "Қазанат" ипподромында көкпардан тұңғыш әлем чемпионатының финалдық ойындары басталды.
Үшінші орын үшін Қытай мен Тәжікстанның көкпаршылар командалары бәсекеге түсіп жатыр. Астанадағы көкпар чемпионатынан Азаттықтың тікелей трансляциясы:
Көшпенді халықтар арасында кең тараған ұлттық ойын түрінен ұйымдастырылған Астанадағы халықаралық жарысқа Ауғанстан, АҚШ, Венгрия, Моңғолия, Қазақстан, Қырғызстан, Қытай, Өзбекстан, Ресей, Түркия мен Тәжікстаннан жиыны 200-ден астам спортшы қатысты.
Көкпар жеңімпазы тамыздың 27-і күні жергілікті уақыт бойынша сағат 17:00-де басталатын финалдық ойын нәтижесінде анықталмақ. Финалда Қазақстан мен Қырғызстан командалары кездеседі.
