Accessibility links

Ақтөбе: Шалқарда тікұшақ құлады


Ақтөбе облысының картасы (Көрнекі сурет).

Ақтөбе облысы Шалқар ауданы Бегімбет ауылынан 6-7 шақырым жерге 31 тамыз күні түс шамасында МИ-8 тікұшағы құлады.

Бұл туралы Азаттық тілшісіне Бегімбет ауылдық округінің әкімі Әліби Саттықов хабарлады.

Ауыл әкімнің сөзіне қарағанда, апатқа ұшыраған тікұшақтың бортында экипаж мүшелерімен қоса есептегенде төрт адам болған.

- Бегімбеттегі дәрігерлік амбулаторияда оларға алғашқы көмек көрсетілді. Адамдар аман, - дейді Әліби Саттықов.

Ауыл әкімі тікұшақтың Шалқар ауданындағы тағы бір елді-мекен Бозойдан ұшып шыққанын ғана біледі. Көп ұзамай Бегімбетке ұшып жеткен тағы бір тікұшақ МИ-8 бортында болған төрт адамды облыс орталығына алып кеткен.

Ақтөбе облыстық денсаулық сақтау департаментінің басшысы Әсет Қалиев облыс орталығындағы медицина мекемелеріне тікұшақ апатынан зардап шегушілердің жеткізілмегенін айтты.

  • 16x9 Image

    Жаңагүл ЖҮРСІН

    Жаңагүл Жүрсін - Азаттықтың Ақтөбе облысындағы тілшісі. Қ.Жұбанов атындағы Ақтөбе университетін бітірген. Еңбек жолын Ақтөбе облыстық телевидениесінен бастап, әр жылдары осы өңірдегі түрлі БАҚ-та тілші, редактор, бас редактор қызметін атқарған. Азаттықпен 2011 жылдан бері әріптес.

XS
SM
MD
LG