Accessibility links

Боксшы Қайрат Ералиев әлем чемпионы атанды


Қазақстандық боксшы Қайрат Ералиев (қызыл формада) Гамбургтегі әлем чемпионатында (Сурет авторы - Данияр Майлыбаев).

Гамбургте (Германия) аяқталған бокстан әлем чемпионатында Қазақстан құрамасы бір алтын, екі күміс, үш қола медаль иеленді.

56 килограмда қазақстандық Қайрат Ералиев финалда Дюк Раганды (АҚШ) жеңіп, әлем чемпионы атанды. Бес төрешінің үшеуі жеңісті Ералиевке берді.

75 килограмда қазақстандық Әбілхан Аманқұл украиналық Александр Хижняктан 0:5 есебімен жеңілді. +91 килограмда қазақстандық Қамшыбек Қонқабаев әзербайжандық Магомедрасул Меджидовты жеңе алмады. Ал Ержан Жомарт (49 кг), Абылайхан Жүсіпов (69 кг) және Василий Левит (91 кг) қола медаль алды.

Жалпы есепте бірінші орынды Куба (5 алтын, 2 күміс), екінші орынды Өзбекстан (1 алтын, 3 күміс, 2 қола), үшінші орында Қазақстан иеленді. Ресей құрамасы бір күміс, бір қоламен шектелді.

Келесі әлем чемпионаты 2019 жылы Ресейдің Сочи қаласында өтеді.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

Пікіріңіз

Оқырман пікірлері

AzattyqTV

XS
SM
MD
LG