Accessibility links

Ресей Вашингтондағы сауда өкілдігі ғимаратын босатқан


Вашингтондағы жабылған ресейлік өкілдік. 31 тамыз 2017 жыл.
Вашингтондағы жабылған ресейлік өкілдік. 31 тамыз 2017 жыл.

Вашингтондағы Ресей сауда өкілдігінің қызметкерлері жергілікті уақыт бойынша сағат 14:00-де ғимараттан шығып кетті деп хабарлады ВВС. Олар шыққаннан кейін ғимаратқа жиырмаға жуық полиция өкілдері кірген. Көп ұзамай олардың көбі ғимараттан кеткен.

Ресейлік дипломаттар АҚШ билігінің іс-әрекетін "тінту" деп атаған. АҚШ тарабы "тінту" жүргізілгені туралы ақпаратты растаған жоқ.

Сенбі күні Ресей сыртқы істер министрлігі Мәскеудегі АҚШ елшілігінің кеңесші-уәкіліне америкалық билік орындарының Вашингтондағы Ресей сауда өкілдігін тексеру жоспарына қатысты наразылық нотасын тапсырған. Ресей нотасында АҚШ тарабының іс-әрекетін "теңдесі жоқ агрессивті акция" деп атаған.

Тамыздың 31-і күні АҚШ билігі Ресейден Сан-Францискодағы бас консулдығы мен Вашингтон және Нью-Йорк қалаларындағы екі сауда өкілдігін жабуды талап еткен. Ақ үйдің мәлімдеуінше, Ресейде америкалық үш консулдық бар болғандықтан, АҚШ "тепе-теңдік" сақтау үшін өз жеріндегі ресейлік төрт консулдықтың санын соған сәйкестендірген.

XS
SM
MD
LG