Accessibility links

Полиция: Астанадағы төбелеске қатысты күдіктілер анықталды


Астанадағы "Абу Даби Плаза" кешені құрылысы. 3 қыркүйек 2017 жыл.

Астанадағы "Абу-Даби Плаза" кешені құрылысы маңында сенбінің кешінде болған төбелеске күдікті адамдар анықталған. Бұл туралы бүгін Қазақстан ішкі істер министрлігінің баспасөз хатшысы Алмас Сәдубаев мәлімдеген. Төбелес салдарынан жарақат алған үндістандық екі азамат ауруханаға түскен.

Министрліктің хабарлауынша, Астана ішкі істер департаменті "Бұзақылық" бабы бойынша тіркелген қылмыстық іс аясында күзет фирмасының қызметкері Полатовтың денесін жарақат түсіруге күдіктілерді анықтаған. Сонымен бірге, Полатовты ұрып-соғуға қарымта ретінде құрылыс нысанында жұмыс істейтін Үндістан азаматтарын сабауға қатысқан күзет фирмасы қызметкерлері арасынан күдіктілер анықталған деп хабарлады Алмас Сәдубаев.

Астана полициясы сенбі күнгі төбелес бойынша қылмыстық іс қозғалғаны туралы бұған дейін хабарламаған еді.

Ішкі істер министрлігінің ақпараты бойынша, төбелес болған жерден полиция бөліміне апарылған 41 азаматтың сегізіне қатысты әкімшілік құқық бұзушылық туралы хаттама толтырылып, ұсталған өзге адамдар босатылған.

  • 16x9 Image

    Өркен ЖОЯМЕРГЕН

    Өркен Жоямерген 2006 жылы әл-Фараби атындағы Қазақ ұлттық университеті журналистика факультетінің бакалаврын, 2008 жылы магистратурасын тәмамдаған. Қызмет жолын "Алматы Ақшамы" газетінен бастаған. Алматы және Астана қалаларындағы бірқатар бұқаралық ақпарат құралдарында жұмыс істеген. Қазір Азаттық Радиосы Астана бюросының жетекшісі. 

    Автормен оның Facebook парақшасында да пікірлесуіңізге болады.

Пікіріңіз

Оқырман пікірлері

AzattyqTV

AzatNews 14.11.2018
please wait
Embed

No media source currently available

0:00 0:14:40 0:00

Фотогалерея

XS
SM
MD
LG