Accessibility links

"Төлешов ісіндегі" 4 адамның ісі жеке қаралады


Тоқтар Төлешов сотта адвокаты Мархаба Жақыповамен сөйлесіп отыр. Шымкент, 13 шілде 2017 жыл.

Шымкенттегі Еңбекші аудандық сотында 21 жылға бас бостандығынан айырылып, оған қоса "экономикалық қылмыстар жасағаны үшін" үстінен тағы қылмыстық іс қозғалған бизнесмен Тоқтар Төлешовпен бірге айыпталған сегіз адамның төртеуінің ісі жеке-жеке қаралатын болды. Азаттық тілшісінің хабарлауынша, бұл туралы бүгін өткен сот отырысында судья Мырзалы Жорабаев мәлім етті.

- Прокурордың Еңбекші аудандық салық басқармасының төрт қызметкеріне таққан айыбы сотта істі қарау кезінде анықталған жайттарға байланысты 366-баптан 361-бапқа алмастырылды. Осыған байланысты сотталушылар Ольга Аллакулиева, Светлана Лукина, Мадияр Мұсаев, Алексей Носковтың ісі жеке-жеке сот тергеуінде қаралады. Сондықтан аталған азаматтар мен олардың адвокаттары сот залынан шығуын сұраймын, - деді судья Мырзалы Жорабаев.

Шымкент қаласының Еңбекші ауданы бойынша мемлекеттік кірістер басқармасының қызметкерлері – бөлім басшысы Гүлжан Бексейітова, бөлім басшысының орынбасары Самат Алдабергенов пен бас мамандар Нұржан Қарақожаев және Құрмаш Омаровтың ісі Төлешовтың ісімен бірге қаралатын болды.

Сот отырысында Гүлжан Бексейітованың адвокаты талап-тілек түсіріп, судьядан істі 361-баптың 1-бөлігі бойынша қарап, тағылатын айыпты рақымшылық заңымен жеңілдетіп, қылмыстық жауапкершіліктен босатуды сұрады.

Оқыңыз: Төлешов мүлкі тәркіленіп, 21 жылға сотталды

Шымкенттік кәсіпкер Тоқтар Төлешов пен оның "сегіз сыбайласының" үстінен қозғалған қылмыстық іс бойынша сот отырысы 10 шілдеде басталған. Сот процесі әлі жалғасып жатыр.

  • 16x9 Image

    Дилара ИСА

    Дилара - Азаттықтың Шымкенттегі тілшісі. 1986 жылы туған. Солтүстік Қазақстан мемлекеттік университеті мен Абай атындағы ҚазҰПУ-ді бітірген.

    "Жас Алаш" газетінде жұмыс істеген.

    Азаттықпен 2012 жылдан бері әріптес.

XS
SM
MD
LG