Accessibility links

Ресейде Қырым бейнеленген жаңа банкнотты таныстырды


Ресей Орталық банкінің басшысы Эльвира Набиуллина жаңа банкноттарды таныстырып тұр. Мәскеу, 12 қазан 2017 жыл.

Ресей Орталық банкі номиналы екі жүз және екі мың рубль болатын жаңа банкноттарын таныстырды. Соңғы он жылда мұндай ірі көлемдегі банкноттар бірінші рет жаңаланып отыр.

Жаңа ақшада Қиыр Шығыс пен Ресей Украинадан аннексиялап алған Қырым бейнеленген. Орталық банк басшысы Эльвира Набиуллинаның айтуынша, бұл екі аймаққа жаңа банкноттар қазан айында түседі.Жаңа банкноттар жаппай айналымға желтоқсанда енгізіле бастайды.

Жаңа ақшаға салынатын бейнені таңдау конкурсы жазда басталған. Ресей бойынша өткен дауыс беруде жұрт жаңа купюраларға бейнені бес мың көрікті жердің арасынан таңдады. Нәтижесінде банкноттардың символы ретінде Восточный космодромы мен Русский аралындағы көпір және Қырымдағы Херсонес полисі мен Симферопольдегі суға батып бара жатқан кеме ескерткіші таңдап алынды.

Пікіріңіз

Оқырман пікірлері

XS
SM
MD
LG