Accessibility links

Ақтөбе әкімдігі: Жат ағымды ұстанған 80 адам дәстүрлі дінге оралды


Ақтөбедегі орталық мешіт (Көрнекі сурет).

Биыл Ақтөбе қаласының "жат ағымды" ұстанып келген 80 тұрғыны дәстүрлі исламға оралған. Бұл туралы қала әкімінің баспасөз қызметі хабарлады.

"19 қазан күні қала әкімдігінде діни экстремизм мен терроризмнің алдын алуға қатысты жиын өтті. Осы жиында жергілікті имамдар мен теологтар жыл басынан бергі жұмыстарын қортындылады. Бұл бағыттағы жұмыстар әлі де жалғасады" делінген қалалық әкімдіктің хабарламасында.

Сонымен қатар, бұл жиында Ақтөбе қаласы аумағында террорлық қауіп-қатер тұрғысынан осал 400 нысан бары да айтылған. Қалалық әкімдіктің хабарлауынша, бұл нысандардың үштен біріне терроризмнен жеткілікті деңгейде қорғалмауына байланысты кемшіліктерді тез арада жою жөнінде алдын ала ұйғарым шығарылған.

  • 16x9 Image

    Жаңагүл ЖҮРСІН

    Жаңагүл Жүрсін - Азаттықтың Ақтөбе облысындағы тілшісі. Қ.Жұбанов атындағы Ақтөбе университетін бітірген. Еңбек жолын Ақтөбе облыстық телевидениесінен бастап, әр жылдары осы өңірдегі түрлі БАҚ-та тілші, редактор, бас редактор қызметін атқарған. Азаттықпен 2011 жылдан бері әріптес.

Пікірлерді көріңіз (2)

Бұл форум жабық. Бірақ пікірталасты Азаттықтың Facebook-парақшасында жалғастыра аласыз: https://www.facebook.com/azattyq
XS
SM
MD
LG