Accessibility links

Оралда оқулықтарға наразы ата-аналар жиналысы өтпей қалды


5 және 7-сыныпқа арналған орыс тілі оқулығының мазмұнына наразы ата-аналар мен полиция көліктері. Орал, 4 қараша 2017 жыл.

Бүгін таңертең Орал қаласында 5 және 7-сыныпқа арналған орыс тілі оқулығының мазмұнына наразы ата-аналар қонақүйлердің бірінде жиналыс өткізбекші болды. Олар бірінші тоқсанның қорытындысын жасауды жоспарлаған. Алайда қонақүй әкімшілігі соңғы сәтте оларға орын беруден бас тартты. Бұл әрекеттерін қонақүй өкілдері "техникалық себеппен" түсіндірді.

Қонақүй жанында таң атқалы полицияның бірнеше көлігі тұрды.

Жиналысты ұйымдастырушылардың бірі Лилия Хасанованың сөзінше, «ата-аналар наразыларды да, разыларды да тыңдап, пікір алмаспақ болған».

Жиналысты ұйымдастырушылардың бірі, заңгер Шәкір Суханбердинді таңертең полицияға шақырды. Оны төрт сағат бойы қорғануға құқығы бар куәгер ретінде тергед3. Суханбердин өзінің үстінен Батыс Қазақстан облысының (БҚО) ішкі істер департаментіне біреулердің "ұлтаралық арыздық қоздырды" деп арыз түсіргенін айтады. Полиция қылмыстық кодекстің 174-бабы бойынша іс қозғады.

Он шақты ата-ана мен ұйымдастырушы белсенділер оқулықтардың мазмұны туралы жиналыстарын жергілікті «Уральская неделя» газеті редакциясында өткізуге мәжбүр болды.

5 және 7-сыныпқа арналған орыс тілі оқулығының мазмұнына наразы ата-аналар жиналыстарын жергілікті «Уральская неделя» газеті редакциясында өткізуге мәжбүр болды.Орал, 4 қараша 2017 жыл.
5 және 7-сыныпқа арналған орыс тілі оқулығының мазмұнына наразы ата-аналар жиналыстарын жергілікті «Уральская неделя» газеті редакциясында өткізуге мәжбүр болды.Орал, 4 қараша 2017 жыл.

БҚО ішкі істер департаменті баспасөз қызметі өкілдері Азаттық тілшісіне ақпаратты кейінірек беретіндерін айтты.

Қыркүйек айында Орал қаласында 20-ға жуық ата-ана 5 және 7-сыныптарға арналған орыс тілі оқулықтарының мазмұнына наразы болып, Қазақстан президенті Нұрсұлтан Назарбаевқа хат жазған еді. Олар оқулықтардың мазмұнын «идеологиялық тұрғыда зиянды» әрі «деструктивті» деп бағалайды.

Биылдан бастап Қазақстанның орыс мектептерінің 5 және 7-сынып оқушылары орыс тілін жаңарған бағдарламамен оқуға көшкен. Ол бағдарламаны әлеуметтік желіде сынаушылар көбейген. Білім және ғылым министрлігі бұл сынды "орынсыз" деп атаған. Министрлік полициядан сынаушыларды жауапқа тартуды да сұраған болатын.

  • 16x9 Image

    Санат ОРЫН ӘЛИ

    Санат 2014 жылы қарашада Азаттықтың Батыс Қазақстандағы тілшісі ретінде қызметке кірісті. 2005 жылы Батыс Қазақстан мемлекеттік университетінің филология факультетін бітірген. Қызмет жолын "Уральская газета" басылымында бастаған. 2006-2014 жылдары Алматы мен Астанадағы түрлі БАҚ-тарда жарияланып тұрған.

Пікіріңіз

Оқырман пікірлері

AzattyqTV

XS
SM
MD
LG