Ресей коммунистік партиясының жақтастары 7 қарашада Мәскеудің орталығында Қазан төңкерісіне 100 жыл толғанын атап өтіп, шерулетіп өтпек.
Коммунистік партия шеруге қатысатындарға партияның "Социалистік революция жасасын!", "Советтер елін мақтан тұтамыз!", "Зауыт-фабрика - жұмысшыларға! Жер - шаруаларға! Теңдік - езілген ұлттарға!" деген ұрандарын қолдануға шақырды. Партия ұсынған ұрандар арасында тарифтердің қымбаттауын айыптап, байларға салынатын салықты көтеруге шақыратын ұрандар да бар.
Мәскеу билігі 3 қарашада 5 мың адамға дейін қатысатын шеруге рұқсат берілгенін хабарлаған.
Ресей коммунистік партиясы шеруге өзін қолдайтын біраз ұйым, оның ішінде Совет офицерлерінің одағы, "Ресейдің үміті" әйелдер қозғалысы, Комсамол жастар ұйымы, 80-нен астам елден 120 саяси партия мен халықаралық 20 ұйымның өкілдері қатысатынын хабарлады.
1917 жылы 7 қарашада Владимир Ленин бастаған большевиктер төңкеріс жасап, Ресейде 70 жылдан астам уақытқа созылған коммунистер билігін орнатқан.
Ресей президенті, бұрынғы КГБ офицері болған Владимир Путин 2005 жылы 7 қарашадағы мерекені 4 қарашаға ауыстырып, оны Ұлттық бірлік күні деп өзгерткен.
Владимир Лениннің бальзамдалған мәйіті Кремльде әлі күнге сақтаулы тұр.
