Accessibility links

Сот Матаевты босатуға үкім етті


Сейітқазы Матаев пен ұлы Әсет Матаев Астанадағы сот отырысында. 4 шілде 2016 жыл.

Қапшағай қаласының соты Қазақстан журналистер одағының төрағасы, "қаржы жымқырды және салықтан жалтарды" деген айыппен сотталған Сейітқазы Матаевты қамаудан босатты. Матаев енді жазасын шартты түрде өтейді. Бұл туралы сотқа қатысқан Азаттық тілшісі хабарлады.

Сот шешімі он бес күннен кейін орындалады. Осы аралықта прокурордың апелляциялық шағым түсіруге құқығы бар. Матаев сотқа видео байланыс арқылы қатысты.

Отырыста прокурор Сейітқазы Матаев сот үкімі бойынша мемлекетке келтірген 200 миллион теңге залалды өтемегенін айтып, оны босатуға қарсы болды. Ал сотта видео байланыс арқылы жауап берген колония дәрігерлері Матаевтың қан қысымы көтеріліп кететінін, түрменің санитарлық бөлімінде тиісті ем-дом ала алмайтынын айтып, оны шартты түрде мерзімінен бұрын босатуды қолдады.

ЛА 155/4 колониясының өкілі Сейітқазы Матаевтың түрмедегі тәртібі "жақсы болғанын", "үлгілі мінез-құлқы үшін ынталандыруға ие болғанын", сотталушыны мерзімінен бұрын босатуды қолдайтынын айтты.

2016 жылы 3 қазанда Астананың Есіл аудандық соты Матаевты "қаржы жымқырды" және салықтан жалтарды" деген айыптармен алты жылға, ал ҚазТАГ агенттігінің директоры Әсет Матаев "қаржы жымқырды" деген айыппен бес жылға соттаған. Үкім бойынша Матаевтар ақпарат және коммуникация министрлігіне - 169 миллион теңге, "Қазақтелеком" компаниясына 140 миллион теңге қайтаруы тиіс болған. Матаевтар өздеріне тағылған айыпты мойындамайды. Жергілікті және халықаралық құқық қорғау ұйымдары Матаевтың сотталуын айыптаған болатын.

AzattyqTV

Алматының "Буревестнигі" СССР чемпионы болған кез
please wait

No media source currently available

0:00 0:01:58 0:00

Фотогалерея

XS
SM
MD
LG