Алматыда "жоспарлы антитеррорлық оқу-жаттығу шарасы" өткізіліп жатыр деп хабарлады Алматы қалалық терроризммен күрес штабына сілтеме жасаған жергілікті БАҚ. Оқу-жаттығу қаладағы Mega Alma-Ata сауда-ойын сауық орталығының аумағында өткізіліп жатыр.
Штабтың хабарлауынша, жаттығу кезінде сауда ойын-сауық орталығының территориясы мен оған жақын аумақта шектеу шаралары жасалған. Штаб осыған байланысты тұрғындарды қауіпсіздік шараларын сақтауға, жүріп-тұратын жерлерін алдын ала жоспарлап алуға шақырады.
