Accessibility links

БҚО-да 22 оқушының неден уланғанын анықтап жатыр


Батыс Қазақстан облысының картадағы орны (Көрнекі сурет).

20 қараша күні кешке Батыс Қазақстан облысының (БҚО) Бөрлі ауданы Қызылтал ауылындағы №7 мектебінде 6-сыныптың 22 оқушысы уланып, аудандық ауруханаға түсті. БҚО денсаулық сақтау басқармасының басшысы Қанат Төсекбаевтің Азаттыққа айтуынша, дәрігерлер зертханалық тексеру нәтижесі әзір дайын болмағандықтан, оқушылардың неден уланғанын біле алмай отыр. Төсекбаевтің сөзінше, оқшулар іші ауырып, құсқан. Балалар мектеп асханасындағы тамақтан уланған болуы мүмкін екенін айтады.

Денсаулық сақтау басқармасының бастығы 21 қараша күні таңертең 17 бала жағдайы жақсарып, ауруханадан шығарылғанын айтады. Қалған бес бала ауруханада жатыр. Олардың жағдайы "қанағаттанарлық" деп бағаланып отыр.

Денсаулық сақтау басқармасы "инфекция қоздырғышты" анықтайтын сараптама нәтижелерін бүгін түстен кейін жариялауға уәде берді.

БҚО денсаулық сақтау басқармасының мәліметінше, облыста биыл 10 айда 228 адам жедел туындайтын ішек инфекциясымен ауырған.

  • 16x9 Image

    Санат ОРЫН ӘЛИ

    Санат 2014 жылы қарашада Азаттықтың Батыс Қазақстандағы тілшісі ретінде қызметке кірісті. 2005 жылы Батыс Қазақстан мемлекеттік университетінің филология факультетін бітірген. Қызмет жолын "Уральская газета" басылымында бастаған. 2006-2014 жылдары Алматы мен Астанадағы түрлі БАҚ-тарда жарияланып тұрған.

Пікіріңіз

Оқырман пікірлері

XS
SM
MD
LG