Accessibility links

Францияда ресейлік миллиардер сенатор Сулейман Керимов ұсталды


Сулейман Керимов, Францияда ұсталған ресейлік миллиардер бизнесмен.

Францияда Ресей Федерация кеңесінің Дағыстаннан сайланған депутаты Сулейман Керимов ұсталды деп хабарлады осы елдегі Ресей елшілігінің өкіліне сілтеме жасаған ТАСС агенттігі. Депутат 20 қараша күні кешке Ницца қаласының әуежайында ұсталған.

Ресей прокуратурасының өкілі Reuters агенттігіне Керимов "салық төлемеді" деген күдікке ілінгенін айтқан.

Биыл ақпанда полиция Францияның оңтүстігіндегі аумағы 12 мың шаршы метр болатын Hier вилласын тінткен. Жергілікті Nice-Martin басылымы Hier мен тағы бірнеше қымбат нысанның Керимовке қатысы барын жазды.

Құжат бойынша, бұл вилланың иесі швейцар қаржыгері Александр Штудхальтер саналады, бірақ полиция қаржыгер бұл жылжымайтын мүліктің шын иесін "жасырып отыр" деп күдіктенеді.

Сулейман Керимов Федерация кеңесінің 2008 жылдан бері депутаты. 2016 жылы ол "Ресейдегі ең бай 200 бизнесмен" рейтингісінде 1,6 миллиард доллар байлықпен 45-орынды иеленген.

Пікіріңіз

Оқырман пікірлері

AzattyqTV

XS
SM
MD
LG