Accessibility links

АҚШ пен Түркия президенттері ИМ-ге қарсы күресті талқылады


АҚШ президенті Дональд Трамп (оң жақта) пен Түркия президенті Режеп Ердоғанның фотоларынан коллаж.

АҚШ пен Түркия президенттері Дональд Трамп пен Режеп Ердоған қарашаның 24-і күні телефонмен сөйлесіп, «Ислам мемлекеті» экстремистік тобына қарсы бірлесіп қарсы тұруға келіскен.

Түркия президенті әкімшілігі екі мемлекеттің басшылары сонымен бірге «Түркияда тыйым салынған Күрдістан жұмысшы партиясы мен Фетхулла Гүленнің жақтастарына қарсы іс-қимылдар жайлы келісті» деп хабарлады. Президент Трамп әкімшілігінің хабарламасына бұл туралы еш нәрсе айтылмаған. Ақ үй екі тарап Түркияға қару-жарақ сату мүмкіндігін талқылады деп мәлімдеген.

Түрік діни қайраткері Фетхулла Гүлен 1999 жылдан бері АҚШ-та тұрып жатыр. Анкара оны «мемлекеттік төңкеріс ұйымдастырмақ болды» деп айыптап, АҚШ-тан экстрадициялауды талап етіп келеді. Америка айыптауға жеткілікті дәлелдің жоқ екенін алға тартып, Гүленді беруден бас тартқан.

Қазан айында АҚШ пен Түркия арасында дипломатиялық жанжал шыққан. Екі тарап бір-бірін сынған кезде өзге жайттармен бірге Вашингтонның Сириядағы күрдтерге қолдау танытуы, НАТО-ға мүше Түркияның ресейлік зениттік зымыран кешенін сатып алуы да айтылған.

Пікіріңіз

Оқырман пікірлері

AzattyqTV

Аудиоподкаст

XS
SM
MD
LG